لاہور‘ قومی کرکٹ ٹیم نا ڈربی شائر اٹ ٹریننگ شیڈول جاری

لاہور (مانیٹرنگ ڈیسک) وورسٹر اٹ تینا قرنطینہ نا 14 دے ئی وخت ءِ پورو کننگ آن پد پاکستان نا اسکواڈ کیمپ نا ارٹمیکو مرحلہ کن ڈربی شائر راہی مسر، انگلینڈ نا برخلاف 3 ٹیسٹ و 3 ٹی ٹونٹی میچ آتا سیریز گوازی کننگ نا بابت اٹ انگلینڈ اٹ ساڑی قومی کرکٹ ٹیم نا ڈربی شائر اٹ ٹریننگ شیڈول نا رداٹ 14جولائی قومی اسکواڈ اٹ اوار اسہ باسکی بذریعہ ویڈیو کانفرنس، میڈیا تون ہیت وگپ کننگ کن دوئی مریک۔ دا بابت اٹ تفصیل ءِ زوت اس جاری کننگک۔ 15 جولائی آ پاکستان کرکٹ ٹیم مسہ مسہ گھنٹہ نا 2 ٹریننگ سیشن اٹ بشخ ہلیک۔ دا سیشنک  برطانوی وخت نا رداٹ سہب انا 10 و بیگہ نا 2 بجہ غا بنا مریک، 16جولائی آ پاکستان کرکٹ ٹیم مسہ مسہ گھنٹہ نا 2 ٹریننگ سیشن اٹ بشخ ہلیک، دا سیشن اٹ بشخ ہلینہ، دا  سیشن برطانوی وخت نا رداٹ سہب انا 10 و بیگہ نا 2 بجہ غا بنا مریرہ۔ 17 آن  20 جولائی آ قومی کرکٹ ٹیم نا 4 دے ئی انٹرا اسکواڈ پریکٹس میچ اڈ ہلیک وخت اس کہ میچ انا وخت زوت اس جاری کننگک۔ 21 جولائی آ قومی اسکواڈ اٹ اوار اسہ باسک اس ویڈیو کانفرنس میڈیا نمائندہ غاتون ہیت وگپ کننگ کن پینل آ مریک۔ دا بابت اٹ تفصیل آتے زوت اس جاری کننگک۔ 22 جولائی آ پاکستان کرکٹ ٹیم مسہ گھنٹہ نا اِرا ٹریننگ سیشن تیٹی بشخ ہلیک دا سیشنک برطانوی وخت انا رداٹ سہب انا 10 و بیگہ نا  2 بجہ غا بنا مریرہ، 24 آن 27 جولائی آ قومی کرکٹ ٹیم نا 4 دے ئی انٹرا اسکواڈ پریکٹ میچ اڈ ہلیک۔ میچ نا وخت آتے زوت اس جاری کننگک۔ 28 جولائی آ قومی اسکواڈ اٹ اوار اسہ باسک اس ویڈیو کانفرنس، میڈیا نمائندہ غاتون ہیت وگپ کیک۔ دا بابت اٹ تفصیل آتے زوت اس جاری کننگک۔