ساؤتھ نا وڑ بلوچستان کن نارتھ پیکیج نا ہم آن خواست کرینن، میر قدوس بزنجو

0

Get real time updates directly on you device, subscribe now.

کوئٹہ: وزیراعلیٰ بلوچستان میر عبدالقدوس بزنجو تون صوبائی وزیرک اوڑدہی کریر، اوڑدہی ٹی وزیر اعلیٰ نا زُوت آتیٹ نا دورہ اسلام آباد نا ر داٹ صوبہ نا جم شونداری، امن ایمنی، زرگزران، صوبائی و بنجائی شونداری پروگرام تتون اوار ایلو سرحال آتیا ہیت و گپ کننگا۔ اوڑدہی ٹی صوبائی وزیرک میر اسد اللہ بلوچ، میر نصیب اللہ مری، سردار صالح محمد بھوتانی، حاجی محمد خان لہڑی، میر سکندر علی عمرانی، انجینئر زمرک خان اچکزئی، حاجی اکبر آسکانی و صوبائی اسمبلی نا باسک خلیل جارج اسک ساڑی ئسر۔ وزیر اعلیٰ وزیر تتون ہیت و گپ کرسا پارے کہ او تینا دورہ اسلام آباد اٹی بارڈر نا بند مننگ ءِ چٹفنگ و چیک پوسٹ آتے کم کننگ نا بابت بنجائی حکومت ءِ سلاہ تسنے، داکان بیدس گیس پریشر نا کمتی و لوڈ شیڈنگ نا ویل ءِ چٹفنگ کن ہم بنجا غان خواست کننگانے، کہ دا بھاز متکن ءُ السی ویل اسے دادے ایسر کننگے۔ او پارے کہ وزیراعظم پاکستان عمران خان تون ساؤتھ پیکیج نا وڑ اٹ صوبہ کن نارتھ پیکیج اسے نا بنا کننگ نا ہم ہیت کننگانے۔ او وزیر تتون ہیت و گپ کرسا پارے کہ نم تون انت کہ سلاہ اس ارے، ہموفتے ہم مونی اتبو، اوفتے ہرفنہ و بنجا تون اوار ہیت کینہ۔ و دا رد اٹ کل سنگت آتے آن بورڈ ہلینہ۔ وزیراعلیٰ پارے کہ کنا است خواہک کہ بلوچستان نا کل اسمبلی باسک آک تینٹ ہم وزیراعظم پاکستان عمران خان تون اوڑدہی کیر، کہ بلوچستان نا ویل آتے بنجا ٹی پبی وڑ اٹ مونی اتنگ اٹ سرسہب مرین۔

Get real time updates directly on you device, subscribe now.

Leave A Reply

Your email address will not be published.