آب اٹنگا تعلیم نا وارخواہی فراوان کننگ ءِ اولیت ایتنہ، عمران خان

0

Get real time updates directly on you device, subscribe now.

 اسلام آباد (آن لائن) وزیراعظم عمران خان نا کماشی ٹی صوبہ خیبر پختونخواہ ٹی ہائر ایجوکیشن نا جوانی نا بابت اٹ گام گیج آتا جاچ ہلوک دیوان اس اڈ ہلک۔ دیوان اٹ وزیر اعظم ءِ صوبہ خیبر پختونخواہ اٹ ہائر ایجوکیشن نا جوانی نا روڈمیپ آ عمل درآمد نا بابت اٹ ہلوک آ گام گیج و آخبت نا لائحہ عمل آ جوان بریفنگ تسر۔ بشخندار آتے صوبہ خیبر پختونخواہ اٹ جامعہ غاتیٹی آب اٹ تعلیم تننگ، میرٹ آ عملدرآمد، تدریسی عمل اٹ لائخی تا درشانی ءِ کروک آ طالبعلم نا اُست خواہی، جامعہ غاتا تنظیمی ویل آتیٹی جوانی و انفراسٹرکچر نا بحالی نا بابت اٹ مجوزہ گام گیج آتیان معلومدار کرے۔ وزیر اعظم عمران خان دیوان آن تران کرسا پارے کہ آب اٹ ءُ تعلیم نا وارخواہی تننگ ءِ ساڑی حکومت اولیت ایتک۔ ملک و قوم نا شونداری و شونہالی ٹی آب اٹ انگا تعلیم تننگ جوان حیثیت تخک۔ او پارینے ہائر ایجوکیشن و بنداوی تعلیم نا بابت اٹ جوان وارخواہی، میرٹ آ عملدرآمد و استاد و طالبعلم آتے آسراتی تننگ ءِ پک کننگے۔ دیوان اٹ وزیر تعلیم شفقت محمود، وزیر حوالکاری و شینکاری سینیٹر شبلی فراز، گورنر خیبر پختونخواہ شاہ فرمان، وزیر اعلی خیبر پختون خوا محمود چیئرمین ہائر ایجوکیشن کمیشن طارق بنوری، سلاہکار وزیر اعلی خیبر پختون خواہ برائے ہائر ایجوکیشن خلیق الرحمن، چیف سیکرٹری خیبر پختونخواہ و خیبر پختون خواہ نا جتا جتا یونیورسٹی تا ساڑی گری و مسکوہی وائس چانسلر و سینیئر افسرک دیوان اٹ بشخندار ئسر۔ پروفیسر ڈاکٹر عطاء الرحمن ویڈیو لنک نا کمک اٹ دیوان اٹ بشخندار ہلوک ئسر۔

Get real time updates directly on you device, subscribe now.

Leave A Reply

Your email address will not be published.