بلوچستان اٹی پیشن سرمایہ کار آتے ہر وڑ نا آسراتی تننگک،فرمان زرکون
Get real time updates directly on you device, subscribe now.
کوئٹہ(خ ن)امریکی سرمایہ کار آک بلوچستان سرمایہ کاری بورڈ نا گام گیج آتیا اُست خواہی نا درشانی کرسا صوبہ نا جتا جتا بشخ آتیٹی سرمایہ کاری ٹی اُست خواہی نا درشانی کرینے وخت اس کہ بلوچستان سرمایہ کاری بورڈ نا چیف ایگزیکٹو فرمان زرکون دا پام انا درشانی ءِ کرینے کہ بلوچستان سرمایہ کاری بورڈ نا کنڈآن پیشن سرمایہ کار آتے ہر وڑ نا آسراتی تننگک، دا خیال آتا درشانی ءِ او بلوچستان اٹ سرمایہ کاری نا وارخواہی تننگ و امریکی سرمایہ کار آتے دا کنڈآ اتنگ نا بابت اٹ بلوچستان سرمایہ کاری بورڈ و ہوسٹن اٹ پاکستانی قونصلیٹ نا شریکی ٹی اڈ ہلوک ویب نار/ڈیجیٹل کانفرنس نا وخت آ تینا خیال آتا درشانی ءِ کرے۔ ویب نار اٹ ہوسٹن اٹ پاکستانی قونصل جنرل ابرار ہاشمی، جمپ اسٹارٹ پاکستان نا بانی و سی ای اوخرم زبیری، 92 کیپٹل نا بانی جہانگیر عباس اعوان، امریکی سرمایہ کار و بزنس کمیونٹی نا نمائندہ غاک بشخ ہلکر، دا تینا وڑ انا اولیکو کانفرنس ئس ہرا سوشل میڈیا نا کمک اٹ ڈائریکٹ شینک کننگا، ہراٹی 1200 آن زیات بندغ یو ٹیوب و فیس بک نا کمک اٹ بشخ ہلکر، ہوسٹن قونصلیٹ نا ٹریڈ اتاشی شائستہ بنیاد مہمانداری نا دود آتے پورو کرے، قونصل جنرل ابرار حسین ہاشمی بشخندار آتا ستا ءِ کرفے و پاکستان و امریکہ نا نیام اٹ واپاری نا کچ و حساب ءِ پیش کریر، خرم زبیری جمپ اسٹارٹ پاکستان نا غرج و مسخت و پاکستان اٹ سرمایہ کاری کن گام گیج آتیا معلومدار کرے۔