پاکستان ءِ دہشت گردی نا برخلاف تینا الس نا رکھ و دفاع نا پورو حق ارے،فیلڈ مارشل سید عاصم منیر
اوغان طالبان تا کوزہ ئی علاقہ غاتیٹی دہشت گردی گڑتی نا ہیت اسے، چیف آف آرمی اسٹاف نا کماشی ٹی مروک کانفرنس اٹی کشمیر، سندھ طاس معاہدہ، ہائبرڈ وارفیئر و ملٹی ڈومین ٹرانسفارمیشن نا بابت اہم پارت
Get real time updates directly on you device, subscribe now.
چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر پارینے کہ پاکستان نا وتواجہی و قومی فائدہ غاتا ہر نہاد آ رکھ ءِ پک کننگک۔ کور کمانڈرآک پیدوار کرینو کہ پاکستان دہشت گردی نا برخلاف تینا الس نا رکھ و دفاع نا پورو حق تخک، پیشن نا کمک اٹ تاڑواڑ تالان کروک آ ہر کوشست اسے بیدس سُجفنگ آن سختی اٹ توننگک۔ دا عزم انا درشانی ءِ فیلڈ مارشل سید عاصم منیر نا کماشی ٹی جنرل ہیڈ کوارٹرز (جی ایچ کیو) اٹی اڈ ہلوک 276 می کور کمانڈرز کانفرنس اٹی کننگا۔ ہراٹی ملک انا تہٹی وپیشن نا سلامتی، سیمی حالیت، دہشت گردی نا برخلاف برجا آپریش، ڈیہہ انا سوگوی و قومی دفاع تون گنڈوک آ اہم باندات آتیا خوڑتی اٹ جاچ ءِ ہلنگا۔ کانفرنس نا بنا ٹی وطنِ عزیز نا دفاع کن جان ندر کروک شہید آتا درجہ غاتا بڑزی کن دعا پاتیہ کننگا۔ پاک فوج انا شعبہ تعلقات عامہ (آئی ایس پی آر) نا رِد اٹ فورم دا عزم انا دوارگی ءِ کرے کہ شہید آتا مدامگی قربانیک پاکستان نا سلامتی، سیوت و استقامت نا بنداو ءُ و قوم مدام اوفتا قربانی تا منت وار مریک۔ شریدار آک اوغان طالبان رجیم نا کوزہ ئی علاقہ غاتیان پاکستان آ بھارتی مخ تفی اٹ دہشت گرد ٹولی تا جلہو تا ڈٹ بندی و دا علاقہ غاتے ا پدریسہ کاریم اٹ اتنگ آ سخت گڑتی نا درشانی ءِ کریر۔ کانفرنس پیدوار کرے کہ ڈیہہ اٹی مدامگی امن و سوگوی ہمو وخت اسکان مننگ کپک تانکہ اوغان طالبان نا کوزہ ئی علاقہ غاتے بھارتی پراکسی و دہشت گرد آتا کاریم اٹ اتنگ آن پاک کننگپک۔ فورم زور شاغا کہ اوغان طالبان رجیم نا زمواری ءِ کہ اوفتا کوزہ ئی علاقہ غاک پاکستان نا برخلاف دہشت گردی کن کاریم اٹ بفس۔ شریدار آک دا ہیت آ ولدا زور شاغار کہ پاکستان تینا الس نا رکھ و دہشت گردی نا برخلاف دفاع نا پورو و روا انگا حق ءِ تخک۔ کور کمانڈرز کانفرنس دا ارادہ نا ہم دوارگی ءِ کرے کہ پاکستان نا سلہہ بند فوج آپریشن “غضب للحق” نا رِد اٹ اوغان طالبان تا کوزہ ئی علاقہ غاتیان مروک دہشت گرد سرجز آتا برخلاف انٹیلی جنس بنداو آ کارروائی تے برجا تخک تانکہ دہشت گرد نیٹ ورک آتا پورو وڑاٹ چٹفنگ ءِ پک کننگ مرے۔ کانفرنس اٹی دہشت گردی آن زہمی علاقہ غاتیٹی بھرمی و جوان چاروکی نا گرج آ ہم زور شاغنگا۔ شریدار آک پاریر کہ ہندن ءُ سوگو ءُ انتظامی پنجر اس جوڑ کننگے ہرا السی خذمت، شون و آسودہی ءِ پک کننگ تون اوار اوار سیاسی کاٹم خواجہی ٹی ودی مروک دہشت گردی و ڈوہ تا اواری ءِ ہم پرغنگ کے۔