جانجوڑی نا نظام ءِ ڈیجیٹل کننگ اٹی اُن‘ سی ای او پی پی ایچ آئی
Get real time updates directly on you device, subscribe now.
پی پی ایچ آئی بلوچستان نا سی ای او ڈاکٹر محمد بخش داریجو مسٹمیکو ہیلتھ کانفرنس آن تران کرسا پارینے کہ پی پی ایچ آئی بلوچستان صوبہ نا جانجوڑی نا نظام ءِ پوسکنوڑ ہمگرنچ کننگ کن ترندی اٹ ڈیجیٹلائزیشن نا کنڈ آ گام ہرفنگ اٹی ءِ۔ او پارے کہ ادارہ بنداوی جانجوڑی ہند‘ ضلعی دفتر و انتظامی و مانیٹرنگ نظام ءِ ریسہ وڑ اٹ پورو وڑاٹ ڈیجیٹل پلیٹ فارم آ گدریفنگ اٹی ءِ تانکہ الس ءِ پیدوار‘ آب اٹ و وخت آ طبی آسراتی فراوان کننگ مرے۔ ڈاکٹر ایم بی داریجو پارے کہ پی پی ایچ آئی بلوچستان مچ آ صوبہ ٹی 157 غیر فعال بنداوی جانجوڑی ہند آتے تے فعال کننگ اٹی ءِ، ہراڑان مُر و پدتموک علاقہ غاتیٹی رہینگوک آ لکھ آ بندغ آتے اوفتا درگہ غا جانجوڑی نا آسراتی رسینگک۔ او مستی پارے کہ الس ءِ جوان تشخیصی آسراتی تا فراوانی کن 100 پوسکنوڑ بنداوی جانجوڑی ہند آتے پوسکنوڑ لیبارٹری جوڑ کننگ نا ڈٹ آ کاریم مننگ اٹی ءِ‘ ہراڑان ناجوڑ آتے ہندی کہول آ آب اٹ طبی ٹیسٹ آتا آسراتی دوئی مریک و بھلا شار تیا ہنوئی تمپک۔