ڈھاڈر کمبڑی براہم باران اٹی بجلی نا مین ٹرانسمیشن دھماکہ ٹی بھس
Get real time updates directly on you device, subscribe now.
ڈھاڈر آن خڑک کمبڑی براہم باران نا علاقہ ٹی تدوک آ نن نادرست بندغ آک بجلی نا مین ہائی ٹرانسمیشن لائن نا اِرا تمبہ ءِ پاننگوک وڑ اٹ منچر اٹ بھس کریر ہرانا سوب آن ڈھاڈر شار بجلی آن محروم مرسا تہاری نا گواچی مس واپڈا حوالی نا رِد اٹ دھماکہ غان بھس مروک آ تمبہ غاتا جوڑ جاڑ و بجلی نا دوارہ بحالی نا کاریم دمدستی بنا کننگانے ولے زہمی ٹرانسمیشن لائن نا پورو وڑاٹ بحالی ٹی منہ دے لگنگ کیک۔ بجلی نا بند مننگ ناسوب آن شاری تے سخت خواری مون تروئی تمانے‘ وخت اس کہ واپاری سرجز آتا ہم زہمی مننگ نا گمان درشان کننگانے۔ ہندی باتیک ڈپٹی کمشنر کچھی و کیسکو کمامدار آتیان خواست کرینو کہ زہمی تمبہ غاتا بحالی نا کاریم ءِ دمدستی بنا کننگے تانکہ دا بھلا باسنی ٹی شاریک آسودہ مننگ کیر۔ڈھاڈر (سمیع اللہ جلبانی)