سندھ طاس معاہدہ نا رداٹ پاکستان نا دِیر آ ناقابل تنسیخ حق ءِ، عطاء اللہ تارڑ

بنجائی وزیر حوالکاری و شینکاری عطاء اللہ تارڑ پارینے کہ سندھ طاس معاہدہ نا رداٹ پاکستان نا دِیر آ ناقابل تنسیخ حق ءِ۔ دوشنبے نادے آ راجی رابطہ نا پلیٹ فارم ”ایکس“ آ تینا اسہ پوسٹ اسے ٹی بنجائی وزیر حوالکاری پارے کہ دِیر ننا بقاءِ ہرانا امر کہ مرے رکھ ءِ کینہ۔ اوپارے کہ بھارت نا کنڈآن سندھ طاس معاہدہ ءِ تینا خودآن معطل تخنگ نا بے سہب کوشست نا ہچ ءُ کانودی حیثیت اس اف و نئے اخلاقی تک اس ارے‘ دا گام آن بھارت ءِ شکی گری آن بیدس ہچ دو بتنے۔ اقوام متحدہ نا پک کروک ”ون واٹر ون وژن“ نا اصول نا خلاف ورزی ءِ۔