جناح ہاؤس جلہو، چیئرمین پی ٹی آئی نا عبوری ضمانت اٹی 21 جولائی اسکان ودکی
Get real time updates directly on you device, subscribe now.
لاہور : لاہورنا انسداد دہشت گردی نا خصوصی عدالت جناح ہاؤس جلہو تون اوار مسہ مقدمہ غاتیٹی چیئرمین پی ٹی آئی نا عبوری ضمانت اٹی 21 جولائی اسکان ودکی کرے۔دہشت گردی نا برخلاف جنگ اٹ پاک انسداد دہشت گردی عدالت نا جج اعجاز احمد بٹر جمعہ نادے آ کیس انا سماعت ءِ کرے۔ تحریک انصاف نا سروک بیرسٹر سلمان صفدر و تینا وکیل آتون اوار عبوری ضمانت نا معیاد چٹنگ آ انسداد دہشت گردی عدالت اٹ پیش مس۔ سماعت اٹی عدالت چیئرمین پی ٹی آئی آ شامل تفتیش مفننگ آ ترندی نا درشانی ءِ کرسا پارے کہ 14 جون آن ہلیس اینو اسکان نی انت اکن جاست وپاست ءِ جوان کتویس۔ کیوں نہ نے تروک آ ریلیف ءِ چٹفنگے و ضمانت آتے خراج کننگے، ہراڑا چیئرمین پی ٹی آئی نا وکیل باوری کرفے کہ او آخبت شامل تفتیش مریک۔ انسداد دہشت گردی عدالت ہرمسٹ آ مقدمہ غاتیٹی چیئرمین پی ٹی آئی ءِ شامل تفتیش مننگ نا پابند کرسا عبوری ضمانت نا معیاد اٹی 21 جولائی اسکان ودکی کرے۔
(اے پی پی)