نواز شریف ءِ سسلین مافیا پاروک آتا پت پاش مننگ ءِ، احسن اقبال
لاہور: بنجائی وزیر ڈٹ بندی و شونداری احسن اقبال پارینے کہ محمد نواز شریف ءِ سسلین مافیاپاروک آک کرار کرار آ بے نقاب مننگ ءُ، سازش نا رداٹ مسلم لیگ ن ناحکومت ءِ چٹفسا لاڈلہ و نابود ءِ اقتدار اٹ اتنگا، چیئرمین پی ٹی آئی ءِ اقتدار اٹ اتسا پاکستان بھلو قیمت اس ادا کرے، علمی تحریک کن ساڑی السی حکومت انقلابی گام گیج کننگ ءِ۔ داخیال آتا درشانی ءِ او پنچ شنبے نادے آ یونیورسٹی آ ف ایجوکیشن نا مرکزی کیمپس ٹاؤن شپ لاہور اٹی پوسکن تفنگوک آ اکیڈمک بلاک، اسٹوڈنٹس سروس سینٹر، اسٹوڈنٹس ہاسٹل، ہیلتھ اینڈ ڈے کیئر سینٹر و بیچلر فیکلٹی ہاسٹل نا بنجائی دود آن تران و میڈیا تون گپ وتران کرسا کرے۔ داوخت آ یونیورسٹی آف ایجوکیشن، لاہور نا وائس چانسلر پروفیسرڈاکٹر طلعت نصیر پاشا، جامعہ نا پرووائس چانسلر پروفیسر ڈاکٹر محمد ارشد، سینڈیکیٹ ممبرز، استاد، سٹاف،طالب علم و پنی آ علمی وراجی شخصیت آک بھلو کچ اسے ٹی ساڑی ئسر۔ بنجائی وزیر ڈٹ بندی و شونداری احسن اقبال دود آن تران کرسا پارے کہ بلاشبہ علم ہموخزانہ ءِ ہرانا دوئی کننگ نا نتیجہ راجی،اخلاقی و زرگزرانی شونداری نا دروشم اٹ رونما مریک، ہنداسو ب آن نن علم انا معراج ءِ دوئی کروئی ءِ انتئے کہ ہراقوم اٹ علم انا جستجو مفک او مدام غلامی ٹی رہینگک۔ اوپارے کہ ننے علمی تحریک نا گرج ءِ، ہراڑکن ساڑی السی حکومت انقلابی گام گیج کننگ ءِ۔
(اے پی پی)