رخشان ڈویژن ضلعی گچین کاری، 2 ضلع ٹی بی این پی گو ءِ درے
Get real time updates directly on you device, subscribe now.
نوشکے : نوشکے ڈسٹرکٹ کونسل الیکشن اٹ بلوچستان نیشنل پارٹی نا میر محمد علی خان مینگل ضلع چیئرمین حاجی بشیر احمد گورگیج وائس چیئرمین گچین، حوال نارداٹ ضلع کونسل ہال اٹ ضلع نوشکے نا ڈسٹرکٹ کونسل نا کل24 باسک آتیان 22 باسک تینا ووٹ آتے تسر، بی این پی نا اومیت دار برائے چیئرمین میر محمد علی خان مینگل و وائس چیئر مین حاجی بشیر احمد گورگیج و وخت اس کہ جمعیت و اتحادی تا اومیت دار برائے ڈسٹرکٹ چیئر مین سردار زادہ خلیل حسنی و وائس چیئرمین میر عبدالرحمن لانگو ئس، ڈسٹرکٹ کونسل نا باسک آتیان سوغند ہلنگ آن پد گچینی ووٹنگ نا کاریم بنا مس۔ گچینی نتیجہ غاتا رداٹ بی این پی نا اومیت دار میر محمد علی خان مینگل 12 ووٹ و وخت اس کہ اونا مقابلہ ٹی جمعیت و اتحادی تا اومیت دار سردار زادہ خلیل حسنی 9 ووٹ دوئی کرے، وخت اس کہ اسہ ووٹ اس بوگس مس داوڑ بی این پی نا اومیت دار میر محمد علی خان مینگل ڈسٹرکٹ چیئر مین نوشکے گچین مس و وخت اس کہ وائس چیئرمین نا سیٹ آ بی این پی نا اومیت دار حاجی بشیر احمد گورگیج 11 ووٹ و مقابلہ ٹی میر عبدالرحمن لانگو 8 ووٹ دوئی کرے و 3 ووٹ بوگس مسر ہندن بی این پی نا حاجی بشیر احمد گورگیج ڈسٹرکٹ وائس چیئرمین گچین مس۔ ہندن خاران اٹ مروک آ بلدیاتی الیکشن نا رداٹ ڈسٹرکٹ کونسل نا چیئرمین و وائس چیئرمین نا نشست آتا مقابلہ مروئی ئس دا بابت اٹ بلوچستان نیشنل پارٹی نا اومیت دار میر محمد جمعہ کبدانی بیدس مقابلہ غان ڈسٹرکٹ کونسل خاران نا چیئرمین و جمعیت علما اسلام نا وائس چیئرمین کن میر محسن ظاہر ہم بیدس مقابلہ غان گچین مس پوسکن گچین مروک آ ڈسٹرکٹ چیئرمین و وائس چیئرمین ءِ بلوچستان نیشنل پارٹی جمعیت علما اسلام و محمدحسنی پینل نا مخ تفی دوئی ئس۔ داکان بیدس ضلع واشک اٹی پاکستان پیپلز پارٹی نا اومیت دار میر الہی بخش ریکی و جمعیت علماء السلام نا میر خدا رحیم عیسی زئی 14 14 ووٹ ہلسا بریبر مسر۔ فیصلہ ٹاس انا کمک اٹ کننگا ہراٹی پاکستان پیپلز پارٹی نا اومیت دار میر الہی بخش ریکی سرسہب مس۔
(آن لائن)