ایران آ امب ایکسپورٹ کروک آتے کن آسراتی تے پک کننگے، تاج بڑیچ
Get real time updates directly on you device, subscribe now.
کوئٹہ: فروٹ اینڈ ویجیٹیبل امپورٹر اینڈ ایکسپورٹر آک پارینو کہ پلانٹ پروٹیکشن ڈیپارٹمنٹ نا کنڈآن امب ایکسپورٹ کروک آ پوریاگرآتے کورنٹین سرٹیفکیٹ جاری مفننگ نا سوب آن بلوچستان نا ایکسپورٹرآتے ہڑدے لکھ آ روپئی نا نسخان ہرفوئی تمانے، پاکستان آن ہرسال ایران ءِ 50 آن 55 ہزار ٹن امب ایکسپورٹ مریک حکومت دمدستی وڑاٹ امپورٹر و ایکسپورٹرآتے مون تروک ویل آتے ایسر کننگ کن گام گیج کے۔ داہیت ءِ فروٹ اینڈ ویجیٹیبل امپورٹراینڈ ایکسپورٹر ایسوسی ایشن بلوچستان نا صدر تاج محمد بڑیچ ایسوسی ایشن نا عہدیدار آتا دیوان آن تران کرسا پارے۔ داوخت آ فروٹ اینڈ ویجیٹیبل امپورٹر اینڈ ایکسپورٹر ایسوسی ایشن بلوچستان نا عہدیدار آتے گچین ہم کننگا ہرانا رداٹ صدر تاج محمد خان بڑیچ، سینئر نائب صدر حاجی محمد داود خان، نائب صدر شمس اللہ کاکڑ، جنرل سیکرٹری احمد خان مغل، سیکرٹری حوالکاری سید محمد بادینی ئسک اوار ءُ۔
(اے پی پی)