سویڈن اٹی قرآن پاک نا بے شرفی سگ آن پیشن ءِ، بشپ خالد رحمت

کوئٹہ: بشپ خالد رحمت پارینے کہ سویڈن اٹی قرآن پاک نا بے شرفی سگ آن پیشن اسے، اقوام متحدہ، یورپی یونین و سویڈن واقعہ ٹی اوار دوبہ دار آتے سخت ءُ سزا ترفر تانکہ پین وخت اس داوڑنا واقعہ پیش بف، سویڈن قرآن پاک نا بے شرفی نا واقعہ غا سرکاری وڑاٹ مسلمان تیان معافی خواہے۔ داہیت ءِ او پاسٹر صائمن بشیر و فادر عنایت گل تون اوار پنچ شنبے نادے آ داڑے پریس کانفرنس کرسا پاریر۔ بشپ خالد رحمت پارے کہ سویڈن اٹی قرآن پاک نا بے شرفی ناقابل قبول گستاخانہ عمل اسے، آجوئی درشانی سلاہ نا پن آ عقیدہ سے نا مقدس کتاب نا بے شرفی قابل مذمت ءِ، مسیحی قوم، فادر صاحب آک، اہلیان کلیسیا قرآن پاک نا بے شرفی نا ترندی اٹ مذمت ءِ کیرہ و دا غم و ڈکھیائی نا ساہت اٹی تینا مسلمان ایلم تتون ہمدردی نا درشانی ءِ کیرہ و دا است ہسون و تکلیف دہ واقعہ غا اوفتے تون سلوک ءُ۔

(اے پی پی)