سی پیک نا رد اٹ بجلی ودی کروک کمپنی ت ابابت دوبہ غاک راست افس، چین

اسلام آباد (آن لائن) چینی حکومت سی پیک ڈٹ انا رداٹ بجلی پیدا کروک آ کمپنی تا بارواٹ دوبہ غاتے رد کرینے، او دا پارینے کہ سی پیک نا رداٹ توانائی نا بشخ اٹ بھلو کمک اس پاکستان تون برجا ءِ، پاکستان اٹ چین نا سلاہکار نا کنڈآن بنجائی وزیر برائے توانائی عمر ایوب خان ءِ لکھوک ءُ اسہ چٹھی سے ٹی پَت ءِ پاش کننگانے کہ ایہن تو سی پیک نا رداٹ ہندا منہ دے اٹ بھاز زیات کاریم مننگ اٹ خننگ انگ ءِ۔ ولے سی پیک پاور پروڈیوسر آتا بابت اٹ دوبہ غاتا کُنڈ آ سجفنگ المی ئس۔ انتئے کہ سی پیک نا رداٹ بجلی پیدا کروک آ کمپنیک پاکستانی صارف آتے صاف،قابل اعتماد و ہڑزان بجلی تننگ اٹ سرسہب مسنو او کورونا دَین اٹ اسہ تہائی پاور لوڈ نا ہم ضمانت تسنے ولداہ م بھاز آ ماہرک و میڈیا تون گنڈوک آ بندغ آک ہرافتے تون راست ءُ معلومداری اف، اوفک سی پیک پاور پروڈیوسر نا بابت حقیقت ءِ نَت تا کیرغ کرینو او اُلس اٹ سی پیک نا بابت کنفیوژن تالان کریر و ہندا بنداو آ پورٹ قاسم الیکٹرک پاور کمپنی ہوننگ شنڈاؤنگ رعائی انرجی لمیٹیڈ و چائنہ پاور حب لمٹیڈ کمپنی تینا جتاؤ رپورٹ اسے آن مسودہ تیار کرینو تانکہ پاکستانی اُلس نا مون آ حقیقت ءِ پاش کننگے او انوائسٹر و آپریٹر آتے بارواٹ پاننگے۔ دا پک ءِ کہ سی پیک نا رداٹ پاور پروڈیوسر کمپنی لوڈشیڈنگ آ کنٹرول کننگ و پاور نا بشخ انا پیری کروک آ قرض آتے کمک کننگ اٹ تینا اہم ءُ کڑد اس ادا کرینے۔ چٹھی تون ہڑتوم آ کمپنی تا رپورٹ آتے گنڈانے۔ ہراٹی پاننگانے کہ بیلٹ اینڈ روڈ گام گیج نا رداٹ سی پیک ہڑتوم آ ملک آتا نیام اٹ سوگو ءُ معاشی کمک و شونداری نا ڈٹ اسے۔ جتا جتا کمیٹیک تا رپورٹ آ چینی کمپنیک بھاز برانز کرینو او دا واضح کرینے کہ او مجاز کمامدار و کمیٹی نا مون آ کل حقیقت تون گنڈوک آ حالیت ءِ تخنگ کن تیار ءِ انتئے کہ  پاور سیکٹر ٹی چینی کمپنی تا کل کاریم بھاز جوان وڑاٹ کننگ انگ ءِ۔