بلاول بھٹو نا مولانا فضل الرحمن ءِ فون‘ملکی سیاسی حالیت آتیا ہیت و گپ
Get real time updates directly on you device, subscribe now.
اسلام آباد(آن لائن)چیئرمین پاکستان پیپلزپارٹی بلاول بھٹو زرداری تدوک آ دے جمعیت علمائے اسلام (ف) نا کماش مولانا فضل الرحمن ءِ فون کرسا اوڑان ملکی سیاسی حالیت آ تینا خیال آتا درشانی ءِ کرے۔ چیئرمین پیپلزپارٹی ہیت وگپ نا وخت آ پارے کہ حکومت سٹی کورونا وائرس نا ٹیسٹنگ ءِ کننگ اٹی ءِ او وائرس نا بابت پک انگا کچ ءِ ڈکسا دنیا ءِ گمراہ کننگ نا کوشست کننگ انگ ءِ۔ مولانا فضل الرحمن تون ہیت وگپ نا وخت آ چیئرمین پیپلزپارٹی پارینے کہ بنجائی حکومت ملخ نا ویل ءِ ہم اسہ کنڈ کرے۔ ہیت و گپ نا وخت آ چیئرمین پیپلزپارٹی مولانا فضل الرحمن تون اُلس دشمن بجٹ آ ہم ہیت وگپ کرے۔ ہیت و گپ اٹ مولانا فضل الرحمن چیئرمین پی پی پی ءِ دعوت تس کہ اونا صوبائی تنظیم سندھ اٹ مروک آ آل پارٹیز کانفرنس اٹ بشخ ہلے۔ جمعیت علمائے اسلام نا رداٹ سندھ اٹ 9جولائی آ اے پی سی مریک۔