خانہ کعبہ و حجر اسود ءِ دروت ہلنگ منع‘ حج انا بابت پُوسکن آ قاعدہ و کانود جاری
Get real time updates directly on you device, subscribe now.
ریاض(آن لائن) سعودی عرب اینخو حج انا بابت پُوسکن آ قاعدہ کانود جاری کرینے ہرا مسجدالحرام، منیٰ، میدان عرفات، مزدلفہ و رہنگ و کُن خور نا بابت ءُ۔ سرکاری خبرایجنسی العربیہ نا رداٹ سعودی مذہبی امور نا کنڈآن جاری مراسلہ ٹی حج انا بابت پُوسکن ءُ قاعدہ و کانود جاری کننگانے ہرافتا رداٹ حج اکن بروک آک و حج کمامدار آتے ماسک و دستانہ بینوئی مریک۔ حاجی تا کاٹم تے کُوٹ کننگ کن اسہ ایلو نا گڑاتے کاریم اٹ اتوئی تمک۔ حاجیک نمازنا وخت آ اسہ ایلو آن 2میٹرمری نا پابندی ءِ کیرہ۔ رمی کن حاجی تے ژل تننگک۔ طواف کن مطاف آ ہنوک آتا قافلہ بندی مریک۔ طواف نا وخت آ کم از کم ڈیڑھ میٹر نا مُری تخوئی مریک۔ خانہ کعبہ ءِ دُو خلنگ یا حجراسود آن دروت ہلنگ منع ءِ۔ دُو ہلنگ و دروت ہلنگ آن توننگ کن سختی اتنگک۔ داڑا عمل درآمد کن نگراں تعینات مریک۔