جعلی ڈومیسائل سرٹیفکیٹ آ تا برخلاف کاروائی اہم ءُ گام اسے، میر عمیر محمد حسنی
Get real time updates directly on you device, subscribe now.
کوئٹہ (اے پی پی) وزیراعلیٰ بلوچستان نا لائزن اسسٹنٹ و کوروناوائرس کنٹرول پروگرام نا فوکل پرسن سردارزادہ میر عمیر جان محمد حسنی پارینے کہ جعلی ڈومیسائل سرٹیفکیٹ آ بلوچستان نا کوٹہ غا بنجائی ادارہ غاتے ٹی ملازمت کروک آتا برخلاف کارروائی بنجائی و صوبائی حکومت نا کنڈآن اہم ءُ گام اسے، دا رد اٹ سینیٹ نا دیوان اٹی دا ویل ءِ تالان کننگاسس ہراڑا بنجائی حکومت دمدستی ایکشن ہلسا بلوچستان نا حکومت ءِ لیٹر جاری کرے ہراڑا وزیراعلیٰ بلوچستان جام کمال خان نا پارت آ صوبہ نا چندی ضلع غاتا تعلقدار ڈپٹی کمشنر آتے جعلی ڈومیسائل سرٹیفکیٹ آتا دمدستی جاست وپاست نا پرمان کرسا اوفتا منسوخی نا پارت کرینے انتئے کہ اولیکو دے آن وزیراعلیٰ بلوچستان جام کمال خان دا ویل انا بابت بنجائی حکومت تون ہیت ہم کریسس و داسہ اونا پارت آ دا جعلی ڈومیسائل سرٹیفکیٹ آتا جاست وپاست نا عمل جاری کرینے و ویریفیکیشن نا عمل ترندی اٹ برجاءِ اگہ داوخت آ جعلی ڈومیسائل سرٹیفکیٹ جوڑ کروک آک تینا ویری فیکیشن ءِ پورو کننگتو تو کانودی وڑاٹ اوفتا ڈومیسائل سرٹیفکیٹ آتے منسوخ کننگک.