کوئٹہ، ٹریفک نا روانی ءِ گچین و برجاتخنگ کن تجاوزات آتا برخلاف کارروائی
Get real time updates directly on you device, subscribe now.
کوئٹہ (اے پی پی) ٹریفک پولیس کوئٹہ ومیٹرو پولیٹن نا ٹریفک نا روانی ءِ گچین و برجاتخنگ کن تجاوزات آتا برخلاف اسیجا کارروائی، دوشنبے نادے آ میٹروپولیٹن کارپوریشن و پولیس اسیجا کارروائی کرسا شارع اقبال منان چوک آن باچاخان چوک اسکان تجاوزات آتے اینک کریر و چندی دوکاندارآتے نوٹس تننگا۔ ایڈمنسٹریٹر طارق جاوید مینگل و ایس ایس پی ٹریفک پولیس نذیر احمد کرد انا پرمان تارداٹ میٹروپولیٹن اینٹی انکروچمنٹ آفیسر محمد قاسم خان و ایس پی سٹی ملک جاوید اقبال نا چاروکی ٹی ٹریفک نا روانی ءِ گچین کننگ کن تجاوزات آتا برخلاف کارروائی کننگا ہراٹی چندی دوکاندار تے جرمانہ کننگا و چندی روڈ آتیا تجاوزات آتے اسہ کنڈ کننگ تون ٹریفک نا روانی ءِ برجاتخنگ کن تھڑہ غاتے ہم دڑفنگا۔