مسکوہی بنجائی وزیر ڈاکٹر آیت اللہ درانی نا نمازجنازہ ءِ پڑنگ آباد مستونگ اٹ خواننگا

کوئٹہ (اے پی پی) پاکستان پیپلزپارٹی نا مرکزی راہشون و مسکوہی بنجائی وزیر ڈاکٹر آیت اللہ درانی نا نماز جنازہ و اودے جہہ جاگہ اوناباوہ پیرہ ئی آ علاقہ پڑنگ آباد مستونگ اٹ کننگا، نماز جنازہ ٹی پیپلزپارٹی بلوچستان نا صوبائی صدر حاجی علی مدد جتک وایلوفک ہم بشخ ہلکر۔ نماز جنازہ ٹی پیپلزپارٹی قلات ڈویڑن نا عہدیدارآک، ضلع مستونگ نا عہدیدار آک و راہشون تتون اوار سیاسی کارندہ و قبائلی متبرو ہندی بندغ آتا بھلو کچ اس بشخ ہلکر۔ ایماندار آیت اللہ درانی کوئٹہ نا فاطمہ جناح چیسٹ ہسپتال اٹی منہ دے آن درمان مسکہ و تدوک آ دے دنیا ءِ اِلا۔ آیت اللہ درانی 2008 نا گچین کاری تیٹی مستونگ قلات نا نشست آن قومی اسمبلی نا باسک گچین مسوسس و اوکان پد بنجائی کابینہ نا بشخ مس، اوفزکس نا بشخ اٹی پی ایچ ڈی کریسس و بلوچستان یونیورسٹی ٹی بطور استاد ہم خذمت کرسا کرے۔