ایشیاء کپ نا ویل‘بھارت ”ڈبل گیم“ گوازی کننگ ءِ

لاہور (مانیٹرنگ ڈیسک) ایشیاء کپ نا بابت اٹ بھارت ”ڈبل گیم“ گوازی کننگ ءِ۔تینا لیگ اکن ایونٹ ءِ کینسل کننگ ءِ بورڈ بال اے سی سی نا کورٹ اٹ بٹے۔ منہ وخت آن ہندا گمان مون آ بننگ اٹی ءِ۔کہ بھارت آئی پی ایل نا اینخو کننگ کن اکتوبر، نومبر اٹ شیڈول ٹی ٹونٹی ورلڈکپ نا کینسل کننگ نا خواہندار ءِ، داڑتون اوار پاکستان نا مہمانداری ٹی ستمبر اٹ مروک آ ایشیاء کپ ءِ ہم کینسل کننگ نا ہیت آک مننگ اٹی ءُُ۔ داسہ سری لنکن کمامدار آک دا ہیت ءِ پک کریر، ایلو کنڈآ تینے بچفنگ کن بی سی سی آئی ڈپلومیٹک وڑ ءِ تینا کرے۔ اسہ در ملکی ویب سائٹ اسے انٹرویو ٹی خازن ارون دھمل پارینے کہ اگہ ٹی ٹونٹی ورلڈکپ و ایشیا کپ مسر تو آئی پی ایل کن ہچ ءُُ ونڈو اس مفک۔ آئی پی ایل کن آسٹریلیا آن منہ میچ آتا قربانی تننگ نا سوج آ ارون دھمل پارینے کہ سیریز فیوچر ٹور پروگرام نا بشخ اسے، ہچ ءُُ وڑ اسے ٹی دادے زہمی کننگ کپنہ، او پارینے کہ ٹی ٹونٹی ورلڈکپ مف تو آئی پی ایل کرفنگ نا فیصلہ ءِ کرفسا گوازی گر و آفیشل تتون اوار کل انا جانجوڑی ءِ اولیت تننگک۔ حوال نا رداٹ کہ ایشیاء کپ و ورلڈکپ ہڑتوم آ ایونٹ آتے کینسل کننگ نا فیصلہ مسنے، بھارتی بورڈ ہندا سوب آن داوڑ نا بیان تننگ اٹی ءِ تانکہ آئی پی ایل نا کرفنگ نا وخت آ دا پاننگپ کہ داوڑ اونا پاننگ آ مس۔