پاک انگلینڈ سیریز کن وسیم اکرم کمنٹری پینل اٹ اوار

لندن (مانیٹرنگ ڈیسک) قومی کرکٹ ٹیم نا مسکوہی کیپٹن و پنی آ کمنٹیٹر وسیم اکرم پاکستان و انگلینڈ نا نیام اٹ سیریز اٹ کمنٹری نا فرض آتے ادا کیک دا بابت اٹ پارینو کہ مسکوہی کیپٹن وسیم اکرم تینا خاہوت تون اوار انگلینڈ ءِ سر مسنے۔ وسیم اکرم ہر مسٹ انگا ٹیسٹ و مسہ ٹی ٹوئنٹی میچ آتیٹی کمنٹری کیک۔ حوال نا رداٹ کہ وسیم اکرم مانچسٹر اٹ تینا اُرا ٹی اِرا ہفتہ نا قرنطینہ ءِ پورو کیک۔ یات سلے کہ قومی ٹیم دا وخت آ دورہ انگلینڈ آ برطانیہ ءِ سر مسنے، ہراڑے گوازی گرک ایس او پیز آتا رداٹ تینے قرنطینہ کریر۔