آئی سی سی ورلڈ ٹیسٹ چمپئن شپ پوائنٹس ٹیبل آ انڈیا کل آن مون آٹے

دبئی (مانیٹرنگ ڈیسک) بھارت نا کرکٹ ٹیم انٹرنیشنل کرکٹ کونسل (آئی سی سی) نا آئی سی سی ورلڈ ٹیسٹ چمپئن شپ رینکنگ نا رداٹ اولیکو نمبر آٹے۔ آسٹریلوی ٹیم ارٹمیکو وخت اس کہ نیوزی لینڈ نا ٹیم مسٹمیکو نمبر آ ساڑی ءِ۔ پاکستان نا ٹیم رینکنگ اٹ پنچمیکو نمبر آٹ ءِ۔ نیوزی لینڈ نا ٹیم کورونا وائرس آن مست مارچ نا تُو اٹ آئی سی سی ورلڈ ٹیسٹ چمپئن شپ نا گچین آ ٹیم بھارت ءِ اِرا میچ آتا سیریز ٹی کلین سویپ کرسا مسہ اسہ گام انا شونداری دوئی کریسُس او ہندن کیوی ٹیم مسہ درجہ شونداری آن پد ششمیکو آن مسٹمیکو نمبر آ سرمسنے، کیویز ٹیم بھارت ءِ اولیکو میچ اٹ بے سہب کننگ آن پد اسہ گام اس شون ہلنگ آن پد ششمیکو آن پنچمیکو نمبر آ سر مسوسُس ولدا ہم پدریسہ اِرا میچ آتیٹی بے سہب کننگ آن پد او پین اِرا گام شون ہلک ہندن کیویز ٹیم نا بھارتی ٹیم ءِ سیریز کلین سویپ کننگ آن پد مسہ پوائنٹ رسینگا او داسہ آئی سی سی ورلڈ ٹیسٹ چمپئن شپ پوائنٹس ٹیبل آ مسٹمیکو نمبر آ ساڑی ءِ۔ بھارتی ٹیم اولیکو نمبر آ سلوک ءِ وخت اس کہ آسٹریلوی ٹیم ارٹمیکو پوزیشن ءِ دوئی کرینے۔ نیوزی لینڈ نا ٹیم مسٹمیکو نمبر آٹے۔ انگلینڈ نا ٹیم ہندا تُو مارچ اٹ اسہ گام اس مونی ہننگ آن پد مسٹمیکو آن چارمیکو پوزیشن آ ہنانے۔ نیوزی لینڈ مارچ اٹ آئی سی سی ورلڈ ٹیسٹ چمپئن شپ اٹ بھارتی ٹیم نا پدریسہ جوان کارکڑد و سرسہبی دوئی کننگ آن پد پرغاسُس۔ بھارتی ٹیم ہفت ٹیسٹ میچ آتیٹی سرسہبی نا سوب آن 360 پوائنٹ آتون اولیکو نمبر آ سلوک ءِ۔ بھارت تدوک آ سال اگست و ستمبر اٹ ویسٹ انڈیز نا برخلاف اِرا ٹیسٹ میچ انا سیریز اٹ کلین سویپ کرے۔