ٹینس اسٹار ڈومینک تھیم نا یو ایس اوپن ٹورنامنٹ اٹ گوازی کننگ نا فیصلہ

ویانا (مانیٹرنگ ڈیسک) آسڑیا نا پنی آ ٹینس سٹار و جہانی مسٹمیکو نمبر ڈومینک تھیم پارینے کہ او یو ایس اوپن ٹینس ٹورنامنٹ گوازی کننگ نا خواہندار ءِ، او پارینے کہ اگہ دا ساڑی حالیت مونی ہنا تو۔ تینا اسہ بیان اسے ٹی آسڑین تھرڈ سیڈڈ گوازی گر پارینے کہ ریاست ہائے متحدہ کورونا وائرس کن پُوسکن آ کیس آتیٹی گیشتری ارے۔ او پارینے کہ تدوک آ جمعہ ٹی ریکارڈ 57,000 پین پُوسکن ءُُ انفیکشن کیس آک پک مسنو۔ اے ٹی پی و ڈبلیو ٹی اے ٹور ایونٹس بروک آ تُو اٹ مروک آیو ایس اوپن ٹیس ٹورنامنٹ 31 اگست آن بنا مروئی ءِ، او داڑان اسہ تُو اسے آن پد فرنچ اوپن ٹیس ٹورنامنٹ نا بنا مریک۔ تھیم پارینے کہ اودے امریکی کمامدار آتیا جوان فیصلہ کننگ نا اعتماد ارے۔ او پارینے کہ کنا خیال اٹ اگہ پنچ ہفت دے اٹ یو ایس اوپن ٹینس ٹورنامنٹ نا بابت اٹ فیصلہ مریک۔ ڈومینک تھیم پارینے کہ ای اومیت کیوہ کہ دا یو ایس اوپن ٹینس ٹورنامنٹ نا اڈ تننگ نا فیصلہ مریک۔ ولے او پارینے کہ داٹی گوازی و گوازی گرتا رکھ انا خیال ءِ کننگ ءِ اولیت تننگک۔