آرگنائزر آتا کورونا وائرس دَین نا سوب آن پرو باکسنگ لیگ ءِ سال اسکان ملتوی کننگ نا سلاہ

اسلام آباد (مانیٹرنگ ڈیسک) پاکستانی شیدائی اینخو اولیکو وار پرو باکسنگ لیگ ءِ ہننگ کپسہ انتئے کہ آرگنائزر کورونا وائرس دَین نا سوب آن ساڑی حالیت آتیٹی بروک آ سال دا ایونٹ ءِ ملتوی کننگ آ سجفنگ اٹی ءُُ۔ داکان مست لیگ انا اڈ تننگ پاکستان پروفیشنل باکسنگ لیگ (پی پی بی ایل) و پاکستان باکسنگ فیڈریشن (پی بی ایف) نا کنڈآن اکتوبر نومبر اٹ اڈ تننگ نا منصوبہ ئس۔ فرنچائر آتا بارواٹ تفصیل آتے ہندا تُو اٹ جاری کروئی ئس۔ پی پی بی ایل نا صدر سید نعمان شاہ میڈیا تون ہیت کرینے کہ نن کووڈ۔19 نا حالیت آتے نظر شاغسا اُن۔ پی پی بی ایل نا صدر سید نعمان شاہ پارینے کہ کنے پام ءِ کہ دا اسہ جوان ءُُ رکھوک ءُُ کاریم اسے۔ ننتون دا وارخواہی ارے کہ نن سیلی تیان بیدس ایونٹ ءِ اڈ ایتن۔ ولے دا جوان ءُُ فیصلہ اس اف انتئے کہ نن دا گوازی تون اُست خواہی تروک آتے دا وارخواہی آن محروم کننگ خواپنہ۔ او مستی پارینے کہ داڑان بیدس ای منہ لاجسٹک اینڈ ریگولیٹری چیلنج ہم مون تروک ءُُ۔ او داٹی اختہ انگا کل بندغ آتا جانجوڑی و رکھ انا ضمانت ءِ تننگ آسان ءُُ کاریم اس اف۔ نعمان شاہ نا رداٹ لیگ نا منیجنگ کمیٹی زوت اس آن لائن دیوان اس اڈ ایتنہ۔