منظور بلوچ مدام اصولی، نظریاتی و فکری بنداو تیا سیاست کرے، نوابزادہ پیرہ رئیس رئیسانی

کوئٹہ : جمعیت علمائے اسلام نا راہشون ممبر ڈسٹرکٹ کونسل مستونگ نوابزادہ پیرہ رئیس رئیسانی بلوچستان نیشنل پارٹی نامرکزی راہشون شہید منظور بلوچ ءِ اونامسٹ میکو برسی نا وخت آ خراج تحسین پیش کرسا پارے کہ او عظیم انسان دوست ملنسار، خوش اخلاق وغریب پرور ءُ بندغ اس ئسک۔ سے شنبے نادے آ تینا بیان اٹی اوپارے کہ منظور بلوچ مدام بلوچستان نا ورناتیٹی سیاسی شعور بیدار کرے و مدام اصولی، نظریاتی و فکری بنداو تیا سیاست کرے و کہینگ اسکان تینا اصول آتیا سلوک ئسک۔ اونا پاننگ ئس کہ مستونگ تون اوار مچ آ بلوچستان اٹی ہر تپہ فکر انا مخلوق اینو ہم منظور بلوچ نا خذمت و جہد ءِ کسرنا ڈیواتکک۔ اللہ تعالیٰ آن دعا ءِ کہ او اونا درجہ غاتے بڑز کے۔

(اے پی پی)