ورنا فیاض زہری نا خونی تا دزگیری نن کن چیلنج اس ئس، ڈی سی خضدار
Get real time updates directly on you device, subscribe now.
خضدار : ڈپٹی کمشنر خضدار نا ایس ایس پی خضدار اسسٹنٹ کمشنر خضدار تون اوار پریس کانفرنس کرسا پارینے کہ تدوک آ ننکان خضدار سنی ایریا ٹی اسہ خراب ءُ واقعہ اس پیش بس ہراٹی داڑیل آک واردات نا وخت آ مزاحمت کننگ آ اسہ کودک ءُ 18 سال نا مار فیاض زہری ءِ سم اس خلسا شہید کریر و موٹر سائیکل ءِ پلسا نرار۔ کودک آ چنا نا شہادت بحیثیت ضلعی انتظامیہ خضدار نا کماش کنکن اسہ دردناک واقعہ و اسہ چیلنج اس ہم ئس ای ڈسٹرکٹ خضدار نا کل اسسٹنٹ کمشنر ولیویز انچارجز ئی و سی آئی اے لیویز ءِ حکم جاری کرے کہ خونی تے 24 گھنٹہ ٹی دزگیر کرسا اوفتا برخلاف کارروائی کننگے۔ اسسٹنٹ کمشنر خضدار علی درانی نا کماشی ٹی لیویز سی آئی اے و لیویز ٹیم خراب مس و او بھاز کوشست آن پد اودے پٹار کہ خونی بمعہ موٹر سائیکل سب ڈویڑن وڈھ نرانے۔
(خ ن)