بی این پی رنگ و نسل نا پرخ آن ایڑتر خذمت آ باور کیک، حاجی خیر جان
Get real time updates directly on you device, subscribe now.
کوئٹہ : بلوچستان نیشنل پارٹی لعل آباد محمدحسنی نا راہشونک حاجی خیرجان بنگلزئی، ملک بشیر احمد شاہوانی، چیئرمین محمد کریم محمد حسنی، آغاشکیل شاہ شیخ حسینی، عبیداللہ محمدحسنی، کامریڈ عطاء محمد بنگلزئی اسک تینا بیان اسے ٹی پارینے کہ بی این پی بیدس رنگ و نسل اُلس نا خدمت آ پام تخک، ایم پی اے ملک نصیر احمد شاہوانی نا منتوار اُن ہرا تینا شونداری فنڈ آتیان کلی لعل آباد محمدحسنی تون اوار ایلو علاقہ غاتیٹی بلیک ٹاپ سڑک و نالی تا جوڑی نا کاریم نا بنا ءِ کرے، ہراکہ پوروی نا گڈیکو مرحلہ ٹی ءِ۔ اوڑے جاری مروک ءُ اسہ بیان اسے ٹی او پارینے کہ تدوک آ کیہی وخت آتیان کلی لعل آباد ءِ شونداری کاریم تا بابت اٹ اسہ کنڈ کننگا و علاقہ نا اُلس 21 میکو کرن اٹ ہم بنداوی آسراتی تیان زہمی ئس ولے بی این پی علاقہ ٹی شونداری کاریم تا بنا ءِ کرسا اُلس نا ویل آتے ایسر کرینے۔ او پارینے کہ سردار اخترمینگل نا کماشی ٹی بی این پی ہر وخت اُلس دوست ڈٹ آتے اولیت تسنے۔
(پ ر)