شہباز شریف تون مولانا فضل الرحمٰن نا اوڑدہی‘ بجٹ و سیاسی حالیت آتیا ہیت وگپ

اسلام آباد : وزیرِ اعظم شہباز شریف تون صدر جمیعت علمائے اسلام مولانا فضل الرحمٰن اوڑدہی کرے ہراٹی آخبت نا بجٹ آ سلاہ و ملک انا سیاسی حالیت آتیا ہیت وگپ مس۔ بنجائی وزیر مواصلات مولانا اسد محمود ہم ساڑی ئس۔ اوڑدہی ٹی بجٹ 24-2023 آ سلاہ مس و ساڑی ملکی سیاسی حالیت آتیا جوان ہیت وگپ مس۔ اوکان گڈ میڈیا تون ہیت وگپ کرسا مولانا فضل الرحمن پارینے کہ سیاسی جماعت آک برانز کیرہ ولدا ہم ریاستی گڑاتے نسخان تفنہ۔ جی ایچ کیو آ جلہو کینہ تو آر می ایکٹ حرکت اٹ بریک۔ او پارینے کہ پی ٹی آئی آ پابندی نا فیصلہ عدالت ءِ کروئی ءِ۔ پابندی لگک تو ملک پاک مریک۔ او پارینے کہ عدالت جانبداری نا درشانی ءِ کننگ اٹی ءِ ہندا سوب آن ننے اُلسی عدالت اٹ ہنوئی تما۔ او پارینے عدالت سمجھک بایدے پابندی لگے تو ملک پاک مریک۔ مستحکم عدالتی نظام نا خواہندار اُن۔ او پارینے جمہور یت اٹ اُلس رایہ ایتک۔ او پارینے گچین کاری تا فیصلہ کل سیاسی جماعت آک اواری ٹی کینہ۔ ہرا ملک اکن جوان مریک او فیصلہ کیک۔ او پارینے کہ کل ءِ سما ءِ کہ دا وخت آ ملکی انا صورتحال ءِ تو انت داوڑ نا حالیت آتیٹی ملک ءِ ندر کین۔ او پارینے کہ کل ویل آتا سوب آن مالو نا حکومت نا پالیسیک ءُ۔ او پارینے کہ نن اختلاف رائے آن پد ہم اتفاق رائے غا سر مسن و فیصلہ کرین۔ او پارینے کہ دا وخت آ ننکن کل آن بھلا چیلنج کبینی ءِ، 2ہزار ہژدہ ٹی ملکی گروتھ تموک ئس۔

(آن لائن)