بنجائی کابینہ نا دیوان، لاک ڈاﺅن اٹ کمتی اتنگ نا سلاہ
Get real time updates directly on you device, subscribe now.
اسلام آباد (مانیٹرنگ ڈیسک) وزیراعظم عمران خان ناکماشی ٹی اڈ ہلوک بنجائی کابینہ نا دیوان اٹ کورونا وائرس ءِ تالانی آن توننگ کن برجا لاک ڈاﺅن اٹ کمتی نا سلاہ تننگا۔ وزیراعظم عمران خان ناکماشی ٹی بنجائی کابینہ نادیوان اڈ ہلک‘ ہراٹی ملکی زرگزرانی و سیاسی و کورونا حالیت آ سجفنگا و کیہی اہم ءُ فیصلہ کننگا۔ حوالی نا رد اٹ بنجائی کابینہ نادیوان اٹ لاک ڈاﺅن اٹ کمتی یا پورو چٹفنگ کن سلاہ کننگانے و باسک آک لاک ڈاﺅن اٹ کمتی کننگ نا سلاہ تسنو۔ حوالی نا رد اٹ کابینہ نا باسک آتا گیشتری لاک ڈاﺅن نابابت وزیراعظم نا موقف نا مخ تفی ءِ کرے وخت اس کہ وزیراعظم پارے کہ خواوہ کہ لاک ڈاﺅن زوت چٹے ولے رکھی گام گیج آتیا سختی اٹ عمل کروئی مریک‘ پوریاک تو ملنگرہ ولے پک کروک ضابطہ غاتیا عملدرآمد ہم کرفوئی مریک.
(مچ آ حوال کن تلار ءِ کاغد یا ای پیپر آ خوانبو)