الس نا غیر سنجیدگی نا سوب آن لاک ڈاﺅن اٹ ودکی کرین، لیاقت شاہوانی

0

Get real time updates directly on you device, subscribe now.

کوئٹہ(آن لائن) ترجمان حکومت بلوچستان لیاقت شاہوانی پارینے کہ صوبہ ٹی الس نا کنڈآن غیر سنجیدگی و کورونا وائرس نا کیس تے ٹی ودکی نا سوب آن لاک ڈاﺅن ءِ پد ریسہ ودفنگ نا فیصلہ کننگ اٹی ان داسہ فیصلہ آخا بلکہ ایکشن مریک و لاک ڈاﺅن و دفعہ 144نا خلاف ورزی کننگ آ دزگیری‘ مقدمہ درج کرسا قرنطینہ سینٹر تیا گدریفنگک‘ الس آن خواست کینہ کہ لاک ڈاﺅن آ عملدرآمد کرسا تینا اُراتے ٹی مریر‘ لاک ڈاﺅن ءِ 19مئی اسکان ودفنگانے و مچٹ کمتی کرسا پینچر ،آٹوز ورکشاپ و گیرج آتے ملنگ نا موکل تننگانے‘ پی سی آر مشین تا کچ ءِ ودفنگ انگ ءِ‘ ننا کل آن بھلا ویل کارندہ غاتا کمتی ءِ ہرادے ودفنگ نا کوشست کننگ اٹی ان‘ بی ایم سی ہسپتال اٹ ہم کورونا ٹیسٹنگ نا بنا چار شنبے آن مریک۔ وی ٹی ایم نا تنکی نابابت بنجائی حکومت آن درخوست کرینن۔ دا خیال آتادرشانی ءِ ترجمان حکومت بلوچستان لیاقت شاہوانی سول سیکرٹریٹ اٹ کورونا وائرس نا بابت پریس کانفرنس کرسا کرے۔ او پارے کہ بلوچستان حکومت اولیکودے آن کورونا ءِ توننگ کن پبی و ہلہلہ ئی بنداو آ گام گیج کننگ اٹی ءِ‘ فاطمہ جناح ہسپتال اٹ ٹیسٹنگ نا عمل ناسست روی نا بابت خبر راست ءِ ولے فاطمہ جناح ہسپتال اٹ سَفائی و جراثیم کش اسپرے کن ٹیسٹنگ نا عمل ءِ مچٹ توننگاسس‘ بلوچستان حکومت کورونا نا توننگ کن کل آن مست گام گیج آتا بناءِ کرے۔ 17سَد بندغ کن 70آئسولیشن جوڑ کننگانے۔

Get real time updates directly on you device, subscribe now.

Leave A Reply

Your email address will not be published.