محکمہ جانجوڑی بلوچستان کورونا ٹیسٹنگ نابابت پالیسی ءِ بدل کرے

0

Get real time updates directly on you device, subscribe now.

کوئٹہ (آن لائن) محکمہ جانجوڑی بلوچستان کورونا ٹیسٹنگ نابابت پالیسی ءِ بدل کرے‘ صوبہ نا اسٹ انگا فاطمہ جناح ہسپتال اٹ ٹہیفوک لیبارٹری شاری تا پین سیمپل ہلنگ آن نمن مس‘ محکمہ جانجوڑی ناکمامدار آتا رد اٹ صوبہ نا فاطمہ جناح ہسپتال کورونا لیبارٹری ٹی ٹیسٹنگ نا بابت پالیسی ءِ بدل کرے‘ داسہ بیرہ خننگوک علامت والا بندغ آتا ٹیسٹ مریک وخت اس کہ شکبر بندغ آتے اُراتے ٹی 14دے قرنطینہ پورو مننگ آن پد ٹیسٹ کننگک‘ کمامدار تا رد اٹ دا وڑ ٹیسٹ انا کچ اناکم مننگ نا سوب آن کننگانے انتئے کہ کوئٹہ تون اوار مچ آ بلوچستان اٹ ہندی کہول آ کورونا وائرس دے پہ دے تالان مننگ اٹی ءِ ہرانا سوب آن ٹیسٹنگ ناعمل نا پالیسی ءِ بدل کرسا لیبارٹری براہ راست شاری تا سیمپل ہلنگ آن نمن مسنے۔ فاطمہ جناح ہسپتال لیب اٹ 2ہزار آن زیات بندغ نا سیمپل آک رپورٹ ءِ بروئی ءِ۔

Get real time updates directly on you device, subscribe now.

Leave A Reply

Your email address will not be published.