ایف سی ساﺅتھ بلوچستان پنجگور رائفلز ناکنڈآن 600 غریب آتے راشن تننگا

0

Get real time updates directly on you device, subscribe now.

بسیمہ (آن لائن) ایف سی ساﺅتھ بلوچستان پنجگور رائفلز ناکنڈآن تحصیل بسیمہ نا یونین کونسل کرہ گی نا کلی تے ٹی کورونا وائرس نا سوب آن لاک ڈاﺅن آن زہمی 600 غریب آتے راشن تننگا‘ کلی تے ٹی کلی سیاہوزئی‘ قیصرآباد‘ پُگی، جنگلی، قادرآباد، کلی سلطان محمد، کلی برکت، کلی عبدالرحمن، کلی محمد حسین‘ کلی ملا مجید، کلی غلام سرور، کلی نذر محمد اوار ءُ۔ راشن تننگ ناوخت آ حکومتی پرمان نا رد اٹ بندغ آتے اسٹ ایلو آن مُر تولفنگا۔ ایف سی ساﺅتھ بلوچستان 108 ونگ پنجگور رائفلز نا ورناک الس ءِ کورونا وائرس نا بابت معلمومداری ترسا اوفتے ماسک ہم سر۔ بسیمہ نا غریب آک ایف سی ساﺅتھ بلوچستان 108 ونگ پنجگور رائفلز نا کوشست آتا ستاءِ کرسا پاریر کہ ایف سی ساﺅتھ بلوچستان بسیمہ نا غریب آتے مشکل نا دا ساہت اٹ یات کرسا تینا فرض ءِ پورو کرے۔ ایف سی ساﺅتھ پنجگور رائفلز 108 ونگ نا کپتان بندغ آتے پارت کرے کہ تراویح ناوخت آ اسٹ ایلو آن شش فٹ مُر سلنگے و مچی کننگپ۔

Get real time updates directly on you device, subscribe now.

Leave A Reply

Your email address will not be published.