کورونا وائرس تنکی، جہانی بینک نا پاکستان کن 20کروڑ ڈالر نا پیکیج منظور

0

Get real time updates directly on you device, subscribe now.

اسلام آباد(آن لائن) جہانی بینک کورونا وائرس نا تالانی ءِ توننگ، جانجوڑی ہند آتا نظام ءِ سوگو کننگ و راجی اقتصادی بشخ ءِ مون تروک چیلنج آتے مون آ تخسا پاکستان کن 20 کروڑ ڈالر نا کمکی پیکیج اس منظور کرینے، جہانی بینک انا بورڈ آف ایگزیکٹو ڈائریکٹرز پیکیج نا منظوری ءِ تِس۔ داکان بیدس طبی کمکی گڑا و تعلقدار گڑا تا گرج اکن ساڑی 8 ڈت آتے کن ودکی 3 کروڑ 80 لکھ ڈالر ودکی پیسہ ہم دوئی مریک۔ پاکستان کن ورلڈ بینک نا کنٹری ڈائریکٹر ایلنگو پٹچاموتو پارے کہ جہانی بینک پاکستان و اونا الس تون کورونا وائرس نا برخلاف جنگ اٹی کمک کننگ ءِ۔ او پارے کہ کمکی پیکیج ءِ پاکستان وائرس نا بابت غٹ باندات آتا گچین چاروکی کن خڑچ کننگ مریک۔ و پیسہ غاتے غریب و نزور تپہ نا بندغ آتے کمک تننگ کن کاریم اٹا تنگ مریک۔ کنٹری ڈائریکٹر پارے کہ دا آزمائشت نا وخت اٹی گچین عملدرآمد ءِ پک کننگ کن نن بنجائی و صوبائی حکومت آتتون شریداری ءِ برجا تخنہ۔ یات سلے کہ وائرس نا سوب آن پاکستان نا زرگزران ءِ بھلو گڑتی و خلیس اس مون تروک ئ،۔ داکان مست فیڈرل بورڈ آف ریونیو (ایف بی آر) پاریسس کہ کورونا وائرس نا بابت زرگزرانی سرجز آتیٹی کراری نا سوب آن مارچ اٹی200 ارب روپئی نا محصول نا نسخان مسنے۔ ایف بی آر ہکل تسوسس کہ اگہ واپاری سرجز آک بنا کتوس تو بروک آ تُو تیٹی پین نسخان نا گمان ارے۔ صوبائی حساب آتا رد اٹ ایف بی آر مارچ اٹی 325 ارب روپئی نا محصول مچ کرینے، وخت اس کہ ہدف 525 ئس، دا وڑ 200 ارب روپئی نا نسخان ریکارڈ کننگا۔

Get real time updates directly on you device, subscribe now.

Leave A Reply

Your email address will not be published.