پاکستان و متحدہ عرب امارات نا کورونا نا توننگ کن خڑکی کمکاری آ امنا
Get real time updates directly on you device, subscribe now.
اسلام آباد(آن لائن)پاکستان و متحدہ عرب امارات کوروناوائرس نا پبی وڑ اٹ توننگ کن خڑک کمکاری و دا بابت گچین گام گیج آتا ہڷ تس آ امنا کرینو۔ دا امنائی وزیر خارجہ شاہ محمود قریشی و اونا متحدہ عرب امارات نا ہم منصب شیخ عبداللہ بن زید النہیان نا ٹیلفون آ مروک ہیت و گپ اٹ کننگا۔ دبئی ایئرپورٹ آ پاکستانی شاری تے وخت آ پاکستان آ سر کننگ آ متحدہ عرب امارات نا منت ءِ ہرفسا وزیر خارجہ کورونا وائرس نا مون ءِ توننگ کن امارتی کمامدار آتا کنڈ آن کروک گام گیج و ¿تا ستا ءِ کرے۔ شاہ محمود قریشی وام تا تننگ نا مُد ءِ پد بٹنگ نا بابت وزیر اعظم عمران خان نا خواست ءِ ہم پیدوار کرے، تاکہ کورونا وائرس آن ودی مروک حالیت نا مون ءِ توننگ و زرگزران نا بحالی کن مالیاتی وسیلہ فراوان کننگ مرے۔ متحدہ عرب امارات نا وزیر خارجہ پاکستان اٹی انسانی جان تا زیان آ ہڑزخواہی کرسا پارے کہ زرگزران آ کورونا نا دین انا زہم ءِ شیف شاغنگ کن جہانی کہول آ سوگو گام گیج نا گرج ءِ۔