جیل بھرو تحریک اٹ دزگیر مروک راہشون تے یلہ کننگ نا پرمان
عدالت شاہ محمود قریشی، اسدعمر تون اوار پی ٹی آئی نا ایلو راہشون تا نظر بندی نا پرمان ءِ معطل کرے
Get real time updates directly on you device, subscribe now.
لاہور: لاہور ہائیکورٹ پاکستان تحریک انصاف نا جیل بھرو تحریک اٹ دزگیر مروک راہشون تے یلہ کننگ نا پرمان کرے۔ جسٹس طارق سلیم شیخ فواد چوہدری نا درخواست آ پرمان جاری کرے‘ عدالت شاہ محمود قریشی، اسدعمر تون اوار تحریک انصاف نا ایلو راہشون تا نظربندی ناپرمان ءِ معطل کرے۔عدالت نظربند راہشون تے یلہ کننگ نا پرمان کرے۔لاہور ہائی کورٹ تحریک انصاف نا سینیٹر ولید اقبال نا نظربندی نا برخلاف درخواست آ ڈپٹی کمشنر لاہور و جیل کمامدارآتون اوار ایلو فریق آتے نوٹس جاری کرسا 7 مارچ آ ورندی بٹنگا۔ عدالت درخواست گزار نا وکیل ءِ باور کرفے کہ نی ڈی سی و تعلقدار جیل کمامدارآتون رجوع کروسس۔ درخواست گزار نا وکیل موقف اختیار کرے کہ ولید اقبال جیل بھرو تحریک نا رداٹ دزگیری تس، ڈی سی لاہور نقص امن عامہ نا رداٹ ولید اقبال ءِ 30 دے اکن نظربند کرے۔ وکیل درخواست گزار نا خواست ئس کہ عدالت ولید اقبال نا نظربندی ءِ کالعدم گوندے۔ داکان مست لاہور ہائی کورٹ پاکستان تحریک انصاف نا جنرل سیکرٹری اسد عمر نا نظربندی نا برخلاف دائر درخواست ءِ پدی ہلنگ نا بنداو آ سرتس۔ جسٹس شہرام سرور اسد عمر نا اُرائی صفیہ فاطمہ نا درخواست آ جمعہ نادے آ سماعت کرے۔ درخواست گزار نا وکیل نا کنڈآن درخواست ءِ پدی ہلنگ نا نوشتہی خواست کننگا۔ درخواست اٹی پاننگاکہ درخواست ءِ پدی ہلسا تعلقدار فورم تون رجوع کننگ خواہک۔
(مانیٹرنگ ڈیسک/ اے پی پی)