آرمی چیف نا جند مِلنگ خواپک تو ای امر کیو، عمران خان

لاہور : چیئرمین پاکستان تحریک انصاف عمران خان پارینے کہ ننا اسٹیبلشمنٹ پہہ مفننگ ءِ کہ مر سیاست کروئی ءِ‘ ملک اکن آرمی چیف تون ہیت وگپ کننگ کن تیار اٹ‘ولے کاٹم شیف کپرہ‘ ولے ہندن لگک کہ آرمی چیف کنے تینا دشمن تکک، جنرل باجوہ کن تون دُرو کرے‘ باجوہ روس انا برخلاف تران کرے‘ آخری وخت اسکان کوشست کننگا کہ چوہدری پرویزالٰہی کنے الے ولے چوہدری صاحب پارے کہ ای بے وفائی کننگ کپرہ۔ صحافی تتون ہیت وگپ کرسا عمران خان پارے کہ ہرافتے کنا رکھ ءِ کروئی ءِ ہمو کنا دشمن ءُ۔ چیلنج کیوہ آرمی چیف کنا و کنااُرائی نا برخلاف کرپشن نا کیس نشان ایتے‘ ہندن لگک آرمی چیف کنے تینا دشمن تکک‘ ننا اسٹیبلشمنٹ ءِ سما اف کہ امر سیاست کروئی ءِ‘ ملک اکن آرمی چیف تون ہیت کننگ کن تیار اٹ ولے اگہ کس دا پاہک کہ ای کاٹم شیف کیوہ تو دُن مننگ کپک‘ ای اصول آتیا ہچ گہس سمجھوتہ کتنٹ۔ ای ہیت کننگ کن سنبرینگوک اٹ ولے ایلو کنڈآن کس ہیت کننگ کن تیار اف‘ کنا اسٹیبلشمنٹ تون ہچ ءُ جھیڑہ اس اف۔ او پارے کہ جنرل باجوہ روس انا برخلاف تران کرے‘ ہمو تران آ بایدے اونا کورٹ مارشل کننگے۔ فوج انا سوگو مننگ بھاز المی ءِ ولے باجوہ کن تون دُرو کرے۔ خبر بس کہ کنے ایئر پورٹ آن دزگیر کرسا بلوچستان آ دننگ خوارہ‘ جیل اٹ بندی کننگ آن وونٹ آج پین زیات مریرہ۔ جان نا خلیس نا بابت کنا ریکارڈ کروک ویڈیوک اریر‘ دا ویڈیوک پیشن ملک اٹی ءُ۔ جہاز اٹ اسلام آباد آ ہنپننگ نا فیصلہ ءِ ننکان دوانزدہ بجہ غا کریٹ‘ کنا جان ءِ ہموفتیان خطرہ ءِ ہرافتا زمواری کنا رکھ ءِ کننگ ءِ۔ عمران خان پارے کہ بھاز کوشست کننگا کہ پرویزالٰہی کن تون بے وفائی کے ولے چوہدری صاحب آخریکو وخت اسکان کن تون سلیس‘ اوپارے کہ ای بے وفائی کننگ کپرہ‘ عمران خان ننے بھاز شرف تسنے نن اوڑتون آخریکو وخت اسکان سلنہ‘داسہ نن اوڑتون وفاکینہ۔ عمران خان پارے کہ اسیجا گچین کاری کرفنگے تو داڑان پیسہ غاتا بچت مریک‘ نن پی ڈی ایم نا امپائر مننگ آن پد ہم گچین کاری تے ٹی سرسہب مرینہ‘ اوورسیز ووٹر آک نن تون ءُ۔ عمران خان پارے کہ ملک اسے نارکھ ءِ کننگ کن فوج انا سوگو مننگ المی ءِ ولے داڑے باندات آک چَپ ءُ۔ عمران خان پارے کہ نن کل ملک آتتون تعلقداری تے گچین کننگ خوانہ ولے بریبری نا بنداو آ۔ محمد بن سلمان ہم کن تون رابطہ ٹی ءِ۔

(آن لائن)