مردم شماری نا اہمیت و گرج ءِ اُرا اُرا غا سر کننگے، میر احمد نواز بلوچ

کوئٹہ: بلوچستان نیشنل پارٹی نا مرکزی سیکرٹری ہیومن رائٹس و بلوچستان اسمبلی نا باسک میر احمد نواز بلوچ پارینے کہ مردم شماری اسہ قومی ءُ فرض اسے ہرانا جوانی اٹ سرتننگ اٹ غٹ تعلقدار سرکاری محکمہ غاتا کڑد بھاز اہم ءِ و داڑکن شمار کنندہ غاتے غٹ جوان آسراتی تے فراوان کننگے۔ شمار کنندگان و ورندی دہندگان تا نیام اٹ کمکاری سرسہب مردم شماری کن المی ءِ۔ مردم شماری کن متعین عملہ و تینا حلقہ گچین کاری نا السی ڈل آتون گپ وتران کرسا اوپارے کہ خانہ و مردم شماری ٹی ڈیجیٹلائزیشن نا کاریم اٹ اتنگ آن ڈیٹا نا آب اٹ مننگ ءِ سوگوی ملک۔ مردم شماری ٹی ادارہ شماریات پاکستان، نادرا، محکمہ تعلیم، ضلعی انتظامیہ سیکورٹی و ایلو ادارہ غاک تینا گچین کڑد ءِ ادا کننگ کن پبی گام گیج کیر۔ اومستی پارے کہ مردم شماری ٹی زیات آن زیات بشخ ہلنگ کن پارٹی کارندہ غاک مردم شماری نا عملہ تون پورو کمک کیر و الس اٹ مردم شماری نا اہمیت وگرج ءِ تالان کننگ کن اُرا اُراغا کلہو ءِ سرکیر پارٹی نا غٹ ذیلی تنظیمک ہم مردم شماری ناعمل اٹی است خواہی نا درشانی ءِ کیر تانکہ سہی حساب وکتاب مرتب کننگ مرے و تنظیمی وڑاٹ پبی بشخ ہلنگ ءِ پک کیر دا اسہ اہم ءُ عمل اسے ہرادے سرتننگ کن بلوچستان نیشنل پارٹی وارڈ انا کہول آن ہلیس صوبائی کہول اسکان نا باسک آتسکان فعال کڑد ادا کیک۔

(اے پی پی)