چینی وزارت خارجہ نا بیان ایلمی و سنگتی نا شاہدی ءِ، سینیٹر اسحاق ڈار
Get real time updates directly on you device, subscribe now.
اسلام آباد: بنجائی وزیر خزانہ سینیٹر محمد اسحاق ڈار پارینے کہ چین نا وزارت خارجہ نا کنڈآن تدوک آ دے بلومبرگ ءِ تروک آ ورندی پاکستان و چین نا نیام اٹ سنگتی و تعلق نا کڑمبی نا ڈیک ءِ ایتک۔ داہیت ءِ جمعہ نادے آ وزیرخزانہ سینیٹر اسحاق ڈار تینا ٹویٹ اٹی پارے۔ یات سلے کہ تدوک آ دے بلوم برگ نا کنڈآن جون اسکان چین و ایلو جہانی ادارہ غاتے 7 ارب ڈالر نا وام تا ادائیگی نا بابت سوج انا ورندی ٹی چینی وزارت خارجہ نا ترجمان ماؤنینگ چین و پاکستان نا تزویراتی شریداری و سنگتی نا درشانی ءِ کرسا پاریسس کہ چین مدام پاکستان تون زرگزرانی و مالی کمک کرینے تانکہ پاکستان نا زرگزران سوگو، الس نا زند انا آب گچین مرے و ملک شونداری نا کنڈا روان مننگ کے۔ چینی وزارت خارجہ نا ترجمان نا پاننگ ئس کہ اسہ خاص ءُ شون ہلوک ملک اسے نا سخت گیر مالیاتی و زرگزرانی پالیسی و اونا اثر آک پاکستان تون اوار ایلو پدتموک ملک آتا مالی مشکل آتا بنداو سوب ءُ۔ ورندی ٹی پاننگاسس کہ دیکی واپاری وام تروک و کثیر الجہتی مالیاتی ادارہ، پدتموک ملک آتا غٹ آن بھلا وام دہندگان ءِ۔ ورندی ٹی چین غٹ فریق آتیا زور شاغاسس کہ او پاکستان نا اقتصادی و راجی سوگوی کن اواری اٹ تعمیری کاریم کیر۔
(اے پی پی)