پاکستان اٹی جمہوری و کانود نا اصول آتا مخ تفی ءِ کینہ، امریکہ
واشنگٹن : امریکہ پاکستان اٹ جمہوری، آئینی وکانوی اصول آتتون کمک کننگ نا عزم کرسا پارینے کہ پاکستان نا ساڑی سیاسی حالیت آک اونا ملک انا باندات ءُ ولے امریکہ پاکستان اٹ جمہوری، آئینی و کانودی اصول آتا مخ تفی ءِ کیک‘ امریکی محکمہ خارجہ نا ترجمان نیڈپرائس پریس بریفنگ نا وخت آ چیئرمین پاکستان تحریک انصاف (پی ٹی آئی) مسکوہی وزیراعظم عمران خان نا دزگیری نا وارنٹ نا بابت سوج اناورندی ءِ تتو وپارے کہ دا سوج پاکستانی الس کن ءِ امریکہ کن اف۔ او پارے کہ پاکستان تون اوغان مہاجر آتابرخلاف کریک ڈاؤن آ ہیت کننگ اٹی ان‘ اوغان مہاجر آتے ہندن ءُ جاگہ اس راہی کننگے ہراڑے اوفتیا بیداد مف‘ کل ریاست آک اوغان باہوٹ آتا بابت تینا زمواری تے پورو کیر‘ بھارت نا بابت سوج انا ورندی ٹی او پارے کہ آجو سلاہ درشانی نا اہمیت ءِ مون آ اتسا کینہ۔ انٹرنیٹ اسکان سر مننگ کشمیر تون اوار دنیا نا ایلو جمہوریت آتے سوگو کننگ کن اہم ءِ۔ ترجمان امریکی محکمہ خارجہ پارے کہ پاکستان اٹ جمہوری، آئینی وکانودی اصول آتا مخ تفی ءِ کرسا کینہ۔
(آن لائن)