بنجائی حکومت 13 افسر نا گریڈ 22 ٹی ترقی نا منظوری ءِ تس

اسلام آباد: وزیراعظم شہباز شریف نا کماشی ٹی ہائی پاورڈ سلیکشن بورڈ انا 27 می دیوان اٹی پاکستان ایڈمنسٹریٹو سروس نا 10، پوسٹل گروپ نا 2 و انفارمیشن گروپ نا اسہ آفیسر اسے گریڈ۔ 21 آن 22 اٹی ترقی تننگا۔ اسٹیبلشمنٹ ڈویژن کابینہ سیکرٹریٹ آن جمعہ نادے آ جاری پریس ریلیز نا رداٹ گریڈ۔ 21 آن 22 اٹی ترقی کروک آ پاکستان ایڈمنسٹریٹو سروس نا آفیسر آتیٹی احمد حنیف اورکزئی، یوسف خان، محسن مشتاق چاندنہ، ساجد صدیق، کیپٹن (ر) سعید احمد نواز، عارف انور بلوچ، اویس منظور سمرا، علی شیر محسود، سید علی مرتضیٰ و وسیم مختار چوہدری، پوسٹل گروپ نا خالد جاوید خان و حسن اختر خان وخت اس کہ انفارمیشن گروپ نا آفیسر شاہیرہ شاہد اوار ءُ۔ وزیراعظم محمد شہباز شریف نا کماشی ٹی ہائی پاورڈ سلیکشن بورڈ انا 27 می دیوان اٹی انفارمیشن گروپ نا آفیسر شاہیرہ شاہد ءِ گریڈ۔ 22 اٹی ترقی تننگانے۔ جمعہ نادے آ اسٹیبلشمنٹ ڈویژن کابینہ سیکرٹریٹ آن جاری پریس ریلیز نا رداٹ ہائی پاورڈ سلیکشن بورڈ انا دیوان اٹی پاکستان ایڈمنسٹریٹو سروس نا 10، پوسٹل گروپ نا 2 و انفارمیشن گروپ نا اسہ آفیسر اسے گریڈ۔ 21 آن 22 اٹی ترقی تننگا۔ یات سلے کہ شاہیرہ شاہد بنجائی سیکرٹری حوالکاری نا حیثیت اٹ خذمت سرتننگ اٹی ءِ۔

(اے پی پی)