جانجوڑی بشخ اٹ ہچ ءُ ڈیوالئی اس سگپنہ‘ ڈی سی آواران

آواران : ڈپٹی کمشنر آواران جمعہ داد خان نا کماشی ٹی ڈسٹرکٹ ہیلتھ کمیٹی نا میٹنگ اس اڈ ہلک۔ دیوان اٹ محکمہ ہیلتھ نا بشخ ءِ پین فعال و اُلس نا آسراتی تا فراوانی ءِ پک کننگ آ سجفنگ انگ ءِ۔ غیر حاضر اسٹاف نا برخلاف کانودی ایکشن آ عملدرآمد، ٹرانسفر پوسٹنگ، دارو تا کاختی و ایلو المی آ آسراتی، مشینری، گڑاتا دوئی آ سجفنگا۔ دیوان اٹ محکمہ ہیلتھ نا افسرک تینا رپورٹ و سلاہ تے پیش کریر۔ او وخت آ ڈپٹی کمشنر آواران جمعہ داد خان تران کرسا پارینے کہ ہسپتال آتیٹی اسٹاف نا حاضری ءِ ہر حالیت اٹ پک کننگک۔ ڈیوالئی کروک آتا برخلاف کارروائی کننگک۔ شعبہ ہیلتھ اٹ نااہلی و ڈیوالئی نا گنجائشت اف۔ دا اسہ ہندن ءُ بشخ اسے کہ دانا ڈائریکٹ تعلقداری اُلس نا جانجوڑی آن ءِ۔

(خ ن)