درخت چاگڑد نا زیبائی ٹی اہم ءُ کڑد اس اد کیک‘ شہک بلوچ

کوئٹہ:  ڈپٹی کمشنر کوئٹہ شہک بلوچ پارینے کہ درخت چاگڑد ءِ جوان کننگ و زیبائی ءِ ودفنگ اٹ اہم ءُ کڑد اس ادا کیک۔ درخت تخنگ کن چاگڑد دوست پل و درخت آتے گچین کننگے۔ ہراکہ کوئٹہ نا مُد انا رداٹ پین ودا۔ اُلس ءِ درخت تخنگ مہم نا اہمیت و چاگڑد آ جوان ءُ اثر نا بابت اٹ معلومدار کننگے۔ سرکاری دفتر و تعلیمی ادارہ غاتیٹی زیات درخت خلنگک۔ تانکہ چاگڑد ساف و خرابی تیان ساف مرے۔ دا خیال آتا درشانی ءِ او گورنمنٹ گرلز کالج کوئٹہ و سائنس کالج کوئٹہ اٹ درخت خلسا درخت تخنگ مہم نا بنا ءِ کرسا کرے۔ او پارینے کہ درخت تخنگ مہم نا مسخت ماحولیات، قدری وسیلہ غاتے کاریم اٹ اتسا جنگلات نا تالانی و خرنی نا رکھ ءِ پک کننگ ہم اوار ءِ۔ او پارینے کہ روڈ آتا ہیب کیب و تعلیمی ادارہ غاتیٹی زیات درخت خلنگک۔ درخت تخنگ مہم اٹی اُلس ءِ خلنگ کن درخت فراوان کننگ انگ ءِ۔

(خ ن)