براہوئی زبان نا پنی آ شاعر، راسکوہ ادبی دیوان نا بنجائی چیئرمین گل زمان گل دنیا ءِ اِلا۔ او ایماندار لال نا مار، خدائے نظر نا ایلم ئسکہ۔  براہوئی بلوچی زبان نا شاعر و ادیب آک ورنا شاعر نا کزیت آ ارمان درشان کرینو۔ کل ادبی تنظیم آک تینا کنڈ آن ہڑزخواہی کلہو جاری کرینو۔ و پارینو کہ اللہ پاک جہہ تے جنت کے آمین۔ اونا خاھوت ء اللہ پاک صبر ایتے۔ دا رد اٹ پنی آ شاعر حمید عزیز آبادی تینا اسہ ہڑزخواہی کلہو اسے ٹی پارینے کہ  سنگت گل زمان گل براہوٸی زبان نا اسہ گچین ءُ نوشتوک اس ٸس۔ اونا شاعری ٹی فکرو فن ہڑتوم آک ہمسفر ئسُرہ۔ ایماندار راسکوہ ادبی دیوان نا پڑآن تینا لاٸخی تے گچین ءُ وڑ اسے اٹ درشان کرسا کرے۔ او اسہ فطری ءُ شاعری اسے آن بیدس اسہ ہنین ءُ سنگت اس ہم ٸس۔ اونا کزیہ غان براہوٸی زبان و ادب اسہ گچین ءُ شاعر اسے آن محروم مس۔