امریکہ پاکستان اٹی جمہوری ادارہ غاتتون کمکار ءِ، نیڈ پرائس

اسلام آباد : امریکی محکمہ خارجہ نا ترجمان نیڈ پرائس پارینے کہ امریکہ پاکستان اٹ جمہوری ادرہ و جمہوری عمل تون کمکار ءِ‘ واشنگٹن اٹ پریس بریفنگ نا وخت آ ترجمان امریکی محکمہ خارجہ پاکستان اٹ بروک آ گچین کاری تے ٹی چیئرمین پی ٹی آئی عمران خان نا سرسہب مننگ نا گمان نا بابت سوج انا ورندی ٹی پارے کہ دا سوج ءِ پاکستانی الس آن کننگے‘ دا سوج امریکہ کن اف۔ امریکہ اومتیدار یا شخصیت اسے پین سیاسی جماعت اسے آ اولیت تفک‘ نن جمہوری ادارہ و جمہوری عمل تون تفنہ‘ تدوک آ ہفتہ نیڈ پرائس سوگو واپاری تعلقداری تے مستین نا مون اٹ اہم گوندسا پاریسس کہ پاکستان تون اقتصادی و واپاری تعلقداری تے پین ودفنگ کن پرعزم ان۔ محکمہ خارجہ نا ترجمان نیڈ پرائس ہفتہ وار پریس بریفنگ اٹ اسہ سوج اسے نا ورندی ٹی ریمارکس تس۔ امریکی محکمہ خارجہ نا ترجمان پارے کہ اونا ملک پاکستان تون اقتصادی و واپاری تعلقداری تے پین سوگو کننگ کن پرعزم ءِ۔ نیڈ پرائس پارے کہ نن سرپند مرینہ کہ امریکہ وپاکستان نا نیام اٹ سوگوواپاری تعلقداریک مستین نا مون اٹ زیات اہم ءُ انتئے کہ او بھس کروک نوکاپ نا زہم تیان پیش تمنگ اٹی ءِ۔ او پارے کہ نن سرپند مرینہ کہ پاکستان تون تین پہ تینی واپاری تے پین ودفنگ نا گنجائشت ارے‘ ہرافتے ٹی توانائی‘ کشاری ازباب و گڑا‘ فرنچائزنگ، ریٹیل واپاری و حوالکاری و رابطہ نا ٹیکنالوجی کن کاریم اٹ اتوک گڑاک خصوصی وڑ اٹ اوار ءُ‘ اوپارے کہ پاکستان اٹ امریکہ نا واپاری ادارہ غاتے پوسکن آ منڈی تسکان سر کننگ کن زرکاری نا وارخواہی فراوان کننگ ءِ و ننا پاکستان تون زرکاری ٹی اسہ سال اٹ 50 درسَد ودکی مسنے‘ ترجمان امریکی محکمہ خارجہ پارے کہ پاکستان اٹ امریکی زرکاری دہائی سے ٹی کل آن زیات ءِ وامریکی کارپوریشن آک 2019 غان پاکستان اٹ اسہ ارب 50 کروڑ ڈالر آن زیات انا زرکاری نا ڈٹ آتا پڑو کرینو۔

(آن لائن)